[X] Помощник

[Малфыра Петровна]

Азербайджанская.

Испанская Цыганская

Канадская

Японская

Индийская

Армянская

Французская

Украинская

Немецкая

Идиш

Чукотская

Греческая

Шведская

Русская

Болгарская

Молдавская

Турецкая

Африканская

Lay-lay

Lay-lay beşiyim, lay-lay,
Evim-eşiyim, lay-lay.
Sen get şirin yuxuya,
Çəkim keşiyin lay-lay.

Lay-lay əməyim bala,
Duzum-çörəyim bala.
Gözləyirəm yekələsən,
Görüm köməyin bala.

Lay-lay dedim gündə mən,
Kölgədə sən, gündə mən.
İldə bir qurban olar,
Sənə qurban gündə mən.

Balam, lay-lay, a lay-lay!
Gülüm, lay-lay, a lay-lay!

Lay-lay dedim həmişə,
Karvan gedər enişə.
Yastığında gül bitsin,
Döşəyində bənövşə.

Balam, lay-lay, a lay-lay!
Gülüm, lay-lay, a lay-lay!

Lay-lay dedim yatasan,
Qızıl gülə batasan.
Qızıl gülün içində
Şirin yuxu tapasan.

Balam, lay-lay, a lay-lay!
Gülüm, lay-lay, a lay-lay!

Lay-lay dedim yatasan,
Qızıl gülə batasan
Qızıl bağın olsun,
Kölgəsində yatasan.

Lay-lay deyim boyunca
Baş yastığa qoyunca
Pardaxlan, qızıl gülüm
Bir iyləyim doyunca.

Balam, lay-lay a lay-lay,
Körpəm, lay-lay a lay-lay.

Laylası dərin bala,
Yuxusu şirin bala,
Canım zinhara gəldi,
Sən hasilə çatınca.

Balam, lay-lay a lay-lay,
Gülüm, lay-lay a lay-lay.

Balam, lay-lay a lay-lay,
Gülüm, lay-lay a lay-lay.
Lay-lay dedim yatınca,
Gözlərəm ay batınca,
Lay-lay dedim ucadan,
Günüm çıxdı bacadan,

Səni Allah saxlasın,
Çiçəkdən, qızılcadan.
Aranında gül bitsin,
Yaylağında bənövşə.

Balam, lay-lay a lay-lay,
Gülüm, lay-lay a lay-lay.

Allah'dan əhdim budur
Toyunu görüm, bala.
Bizim yerlər qalın meşə,
Taxtında otur həmişə.

Lay-lay dedim yatasan,
Qızıl gülə batasan.
Qızılgül kölgəsində
Şirin yuxu tapasan.

Balama can demişəm
Ağlama, can demişəm.
Balam dil açan günə
Quzu qurban demişəm.

Lay-lay balam, ağlama,
Ürəyimi dağlama
Yat yuxun şirin olsun,
Yuxuma daş bağlama.

[P.A.S.]

очень мило, спасибо Вам